मराठी भाषा गौरव दिनानिमित्त मराठी मातीचा गोडवा गाणाऱ्या गीताच्या माध्यमातून मराठी भाषा गौरव दिन मोठ्या उत्साहात साजरा...
राकट देशा, कणखर देशा, दगडांच्या देशा।
प्रणाम घ्यावा माझा हा, श्रीमहाराष्ट्र देशा ।
नृत्य सादरीकरण क्षणचित्रे...
विद्यार्थ्यांनी तयार केला स्वतः लिहिलेल्या कवितांचा काव्यसंग्रह
फुलोरा - स्वरचित मराठी काव्य संग्रह
ज्ञानपीठ पुरस्कार विजेते, कविश्रेष्ठ कुसुमाग्रज म्हणजेच वि. वा. शिरवाडकर यांचा जन्मदिवस २७ फेब्रुवारी हा सर्वत्र मराठी भाषा गौरव दिन म्हणून साजरा करण्यात येतो. यानिमित्तानेच विद्यार्थ्यांना कुसुमाग्रज यांच्या जीवनाविषयी माहिती व्हावी याउद्देशाने तयार करण्यात आलेली प्रश्नमंजुषा आपल्या विद्यार्थ्यांपर्यंत अवश्य पोहचवा...
National Science Day
म.न.पा. शाळा क्र. 89 पाथर्डी फाटा येथे राष्ट्रीय विज्ञान दिना निमित्त वैज्ञानिक दृष्टिकोन वाढण्यासाठी इयत्ता सातवीच्या वर्गात वैज्ञानिक रांगोळी स्पर्धा आयोजित करण्यात आली. विद्यार्थ्यांनी आनंदाने सहभागी होऊन खुप सुंदर रांगोळ्या काढल्या.
व्हिडिओ पाहण्यासाठी क्लिक करा.
👇👇👇👇
कुसुमाग्रज कविता वाचन उपक्रम
स्वरचित कविता वाचन स्पर्धा
मराठी भाषा गौरव दिन उपक्रम
म. न. पा. शाळा क्र. ८९, प्रशांत नगर, नाशिक येथील सातवीच्या विद्यार्थ्यांना विज्ञान विषयातील वनस्पतीच्या पानांच्या पेशींची रचना प्रत्यक्ष प्रयोगातून सूक्ष्मदर्शी खाली दाखविण्यात आली.
छत्रपती शिवाजी महाराज जयंतीनिमित्त इ. ७ वीच्या विद्यार्थिनीने केलेले तुफान धडाकेबाज भाषण...
कु. वृषाली सोमनाथ येलमामे
इयत्ता : ७ वी - अ
म.न.पा. शाळा क्र. ८९,
पाथर्डी, फाटा नाशिक
वायुप्रदुषण जनजागृती दिन
वायू हा पंचमहाभुतांतील एक महाभुत आहे. वायु हा जीवनासाठी अत्यंत आवश्यक असतो. प्राणवायू कमी मिळाला तर सजीवांना जगणे अशक्य असते. अन्न व पाणी यांच्याशिवाय काही काळ काढता येते. पण हवेविना जगता येत नाही.
हवा ही आपल्याला मोफत मिळत असल्याने आपल्याला तिची किंमत नाही. त्यामुळे आपल्याकडून ती अनेकदा दुषित केली जाते. शहरात असे कारखाने असतात की, त्यांतून सोडलेल्या विषारी वायुमुळे हवा प्रदुषित होते. त्याचे दुष्परिणाम आपल्यालाच सहन करावे लागतात. वायुप्रदुषणामुळे अनेक प्रकारचे रोग पसरतात. वेगवेगळ्या साधीच्या आजारांचा प्रसार होतो.
वायुप्रदुषणामुळे काही लोकांना त्वचारोग होतात. साफसफाईची कामे करणाऱ्यांना पुष्कळदा वायुप्रदुषणामुळे मृत्युही येतो. खाणीत काम करणाऱ्यांना हा धोका जास्त संभवतो. तेव्हा वायुप्रदुषण होऊ नये याची मानवानेच काळजी घ्यायला हवी.
आपल्या पृथ्वीवर हवा मुबलक स्वरूपात आहे त्यामुळेच सजीवसृष्टीमध्ये भरपुर विविधता आढळते. परंतु अलीकडच्या काळात औद्योगीकरण शहरीकरण, लोकसंख्यावाढ यांमुळे हवेचे प्रदूषण फार मोठ्या प्रमाणावर वाढत असल्यामुळे सजीवसृष्टीचे अस्तित्व धोक्यात येत आहे. पृथ्वीभोवती वातावरणामध्ये मुख्यत्वेकरून नायट्रोजन, ऑक्सिजन्, कार्बन डायऑक्साइड व इतर वायूंचे प्रमाण व पाण्याची वाफ अल्पप्रमाणात आढळते. सर्व सजीवांसाठी हवेतील हे वायु घटक अत्यावश्यक असतात. म्हणूनच हवेच्या या वातावरणाला जीवसृष्टीचे संरक्षक क्षेत्र असाच उल्लेख करता येईल. मानवी हस्तक्षेपामुळे वातावरणातील हवेत विविध दुषित घटक मिसळल्यामुळे त्याला आपण 'हवा प्रदूषण' असे म्हणतो, हवेचे प्रदूषण ही समस्या औद्योगिक युगाच्या सुरुवातीस प्रकर्षाने जाणवू लागली. प्रदुषण वाढण्यास विविध कारखाने, विविध उत्पादन प्रक्रिया, उद्योगधंदे, वाहतुक व्यवस्थेतील वाहनांची प्रचंड वाढ व साधनसंपदांच्या अपरिमीत उपभोगामुळे हवा प्रदुषणाची समस्या गंभीर होत आहे.
वायु प्रदुषणामुळे वनस्पती, प्राणी जीवन, मानवी जीवन आरोग्यावर तसेच ऐतिहासिक वास्तूंवर विपरीत परिणाम होतो. तसेच हवेचे प्रदूषण दोन प्रकारे होते.
(अ) नैसर्गिक प्रदूषण - वादळे, वणवे, ज्वालामुखी, अवर्षण इत्यादी घडामोडीमुळे हवेचे प्रदूषण होते. अर्थात निसर्गतःच या प्रदुषणावर उपाययोजना होत असतात.
(ब) मानवनिर्मित हवा प्रदुषण - विविध उद्योगधंदे, निर्मिती प्रक्रिया कारखाने, स्वयंचालित वाहने, इ. विविध प्रकारांमुळे हवेचे सातत्याने प्रदुषण होत आहे.
नाव : वृषाली सोमनाथ येलमामे
इयत्ता : ७ वी - अ
म.न.पा. शाळा क्र. ८९,
पाथर्डी, फाटा नाशिक
हवा प्रदूषण
आजच्या युगामध्य औद्योगीकीकरणाचे कारखान्यांचे तसेच, वाहनांचे प्रमाण इतके वाढले आहे की त्याच्यामुळ निर्माण होणारे वायू प्रदूषण हे त्याच्या संबंधित कारणीभूत घटकांच्या दुप्पट पटीने वाढत आहे.
सध्याच्या युगात सततपणे होणाऱ्या व हवामानाच्या बदलास जबाबदार असणारे अनेक घटकच आजच्या वाढत्या वायुप्रदूषणाला देखील कारणीभूत असल्याचे सिद्ध झाले आहे. जेव्हा वायू कण आणि अनेक जैविक रेणूंचा समावेश असलेल्या पदार्थांचा पृथ्वीच्या वातावरणामध्ये प्रवेश केला जातो. तेव्हा वायुप्रदूषण ही समस्या उद्भवते. शिवाय विविध अशा प्रकारचे रोग, अलर्जी, शिवाय कित्येक वेळा मृत्यू यांसारख्या परिणामांना सामोरे जावे लागते.
त्याचबरोबर, इतर सजीवांना देखील जसे की प्राणी, पक्षी शेतातीत्य अन्न पिके, विविध फुलांच्या वनस्पती यांनाही मोठ्या प्रमाणात नैसर्गिक हानी पोहोचवू शकते. एकंदरीत नैसर्गिक किंवा मानवनिर्मित घटकांना हवा प्रदूषण हे भरपूर प्रमाणात नुकसान पोहोचवू शकते. खरंतर, मानवी क्रिया भरपूर प्रमाणावर वायूप्रदूषण निर्माण करू शकतात. याचे उत्तम उदाहरण म्हणजे, अलीकडच्या काळात केवळ मानवानर्मित वातावरणातीत्य हवा प्रदूषणामुळे जवळजवळ 2.1 दशलक्ष ते 4.21 दशलक्ष इतक्या लोकांचा अकाली मृत्यू झाला आहे. अशा या हवा प्रदूषणास जबाबदार अथवा कारणीभूत ठरणाऱ्या प्रदूषित घटकांना प्रदूषके असे म्हणतात.
तसेच, नैसर्गिक हवेतील जे पदार्थ मनुष्य, प्राणी, पक्षी, वनस्पती, किटक अथवा उपयुक्त जंतू इ. जीवांच्या आरोग्यास आणि त्यांच्या जीवनास खूप हानिकारक आहेत, त्याचबरोबर जे पदार्थ हवामान बदलास देखील कारणीभूत आहेत, त्या पदार्थांना प्रदूषक घटक असे म्हटले जाते.
हवा प्रदुषण, जनजागृती निबंध
हवा ही देणगी सर्व सजीवसृष्टीची आधारशिला आहे. आपल्या पृथ्वीतलावर हवा मुबलक स्वरूपात आहे. त्यामुळे सजीवसृष्टीमध्ये भरपूर विविधता आढळते. परंतू अलीकडच्या काळात औद्योगीकरण, शहरीकरण, लोकसंख्यावाढ इ. मुळे हवेचे प्रदूषण फार मोठ्या प्रमाणात वाढत असल्यामुळे सजीवसृष्टीचे अस्तित्व धोक्यात येत आहे.
पृथ्वीभोवती वातावरणामध्ये मुख्यत्वेकरून नायट्रोजन, ऑक्सिजन कार्बन-डायऑक्साईड, पाण्याची वाफ व इतर वायूचे प्रमाण अत्य- अल्प आढळते. सर्व सजीवांसाठी हवेतील हे वायू घटक अत्यावश्यक असतात. म्हणूनच हवेच्या या वातावरणाला जीवसृष्टीचे संरक्षक क्षेत्र असाच उल्लेख करता येईल. परंतु मानवी हस्तक्षेपामुळ वातावरणातील हवेत विविध दुषित घटक मिसळल्यामुळे हवा दूषित होत आहे. यालाच आपण 'हवा प्रदूषण' असे म्हणतो.
हवेचे प्रदूषण ही समस्या, औद्योगिक युगाच्या सुरुवातीस प्रकर्षाने जाणवू लागली. लोकसंख्यावाढी बरोबरच औद्योगीकरण, शहरीकरणामुळे हवा प्रदूषण दिवसेंदिवस वाढत आहे. प्रदुषण वाढण्यास विविध कारखाने, विविध उत्पादन प्रक्रिया, उद्योगधंदे, वाहतूक व्यवस्थेतील वाहनांची प्रचंड वाढ व साधनसंपदांचा अपरिमीत उपभोगामुळे हवा प्रदूषणाची समस्या गंभीर होत आहे.
प्रत्येक लहान-मोठ्या कारखान्याभोवती हरित पट्टा निर्माण करण्याचे कडक नियम व त्यांची अंबलबजावणी झाली पाहिजे. तसेच प्रदूषण कसे कमीत कमी होईल याकडे कारखान्याच्या मालकांनी लक्ष दिले पाहिजे. तसेच, त्यासाठी लोकजीवन ही अतिशय महत्वाची बाब असल्याने वाहनाची देखभाल स्वतःच कशी करता येईल. याची माहिती प्रत्येक वाहनचालकांना देऊन हवा प्रदूषण कमी करता येईल. त्याचप्रमाणे स्वयंसेवी संस्थांच्याही सहकार्याने प्रदूषण नियंत्रण करता येणे सहज शक्य होऊ शकते.
नाव - पायल अमोल पाईकराव
इयत्ता : ७ वी - अ
म.न.पा. शाळा क्र. ८९,
पाथर्डी, फाटा नाशिक
भारतीय संस्कृतीमध्ये शारदीय नवरात्रीचे अनन्य साधारण महत्व आहे. नवरात्र म्हटले की दांडिया खेळण्यासाठी सर्वांचाच उत्साह ओसंडून वाहत असतो. ह्या...
